Dáleiðsluskóli Íslands

Roy Hunter

Roy Hunter er heimsþekktur fyrir brautryðjandastarf í Parts Therapy og Regression Therapy. Hann hefur skrifað margar bækur um dáleiðslu og skrifar reglulega greinar í helstu tímarit fyrir dáleiðslutækna. Roy er ásamt Charles Tebbetts höfundur að stórum hluta dáleiðslunámsins sem Dáleiðsluskóli Íslands kennir Roy Hunter kennir Endurlitsdáleiðslu (Regression Therapy) og Spiritual Hypnosis á framhaldsnámskeiði skólans. Heimasíða

Gísli Freyr Eggertsson

er einn af reyndustu dáleiðurum Íslands. Hann er auk þess menntaður leikari og hefur verið tökumaður myndbanda á flestum námskeiðum Dáleiðsluskóla Íslands frá 2012 og lært hjá mörgum af fremstu dáleiðurum nútímans. Á grunnnámskeiði Dáleiðsluskóla Íslands sér hann um kennslu sjálfsdáleiðslu og kennir þar m.a. aðferðir Michal Cieslakowski.

Ingibergur Þorkelsson

Ingibergur er stofnandi og skólastjóri Dáleiðsluskóla Íslands. Hann hefur staðið fyrir fjölda dáleiðslunámskeiða á Íslandi og víða í Evrópu og hefur unnið náið með Roy Hunter og Dr. Edwin Yager.

Hann er mjög reyndur dáleiðandi og rekur eigin stofu.

Ingibergur kennir Hugræna endurforritun á framhaldsnámskeiði skólans.

Axel Braga

Axel Braga starfar sem sjúkraþjálfari og fimleikaþjálfari. Hann er reyndur dáleiðari, lauk grunnnámi hjá Dáleiðsluskóla Íslands 2013 og stundaði framhaldsnám hjá bæði Roy Hunter og Dr. Edwin Yager þegar þeir kenndu námskeið við skólann. Hann er einnig reyndur kennari og hefur m.a. kennt við læknadeild Háskóla Íslands. Axel er kennari á grunnnámskeiði Dáleiðsluskóla Íslands

Michal Cieslakowski

hefur sérhæft sig í sjálfsdáleiðslu, svefni og draumum. Hann hefur skapað sínar eigin aðferðir til að komast í skírdreymi (lucid dreaming). Hann er einnig sérfræðingur í tilraunadáleiðslu (experimental hypnosis) og einkennum djúprar dáleiðslu (phenomena of deep hypnotic trance).

Sigurbjörg Kristjánsdóttir

er klínískur dáleiðandi og rekur eigin stofu í Reykjavík. Sem meðferðaraðili hefur hún náð góðum árangri m.a. í vinnu með kvíða, sorg, reiði og höfnun. Sigurbjörg hefur B.Ed gráðu frá Kennaraháskóla Íslands. Hún er kennari á grunnnámskeiði Dáleiðsluskóla Íslands

Álfheiður Eva Óladóttir

Álfheiður Eva Óladóttir lauk BA gráðu í sálfræði 2007 og MS gráðu í stjórnun og stefnumótun frá Háskóla Íslands 2012 og útskrifaðist sem klínískur dáleiðari frá Dáleiðsluskóla
Íslands 2018.
Álfheiður starfar sem klínískur dáleiðari á eigin stofu og hefur mikla reynslu af dáleiðslumeðferð.
Álfheiður er kennari á grunnnámskeiði Dáleiðsluskóla Íslands

Dr. Kate Beaven-Marks

Dr. Kate hefur stundað nám í margs konar dáleiðslu og meðferðarstarfi og hefur hlotið ótal gráður og viðurkenningar, bæði í Bretlandi og Bandaríkjunum. M.a. í klíniskri og læknisfræðilegri dáleiðslu, meðferðardáleiðslu, HAM og skyldum meðferðum, núvitund, NLP og EMDR. Eins og nemendur hennar fengu að kynnast á Íslandi í september 2019 er Dr. Kate frábær kennari. Dr. Kate kennir EMDR fyrir dáleiðendur á framhaldsnámskeiði Dáleiðsluskóla Íslands. Heimasíða

Umsagnir útskriftarnema

Ég er mjög ánægð með námið í Dáleiðsluskóla Íslands og myndi hiklaust mæla með því. Það er mikill metnaður lagður í að gera námið fjölbreytt, skemmtilegt og árangursríkt. Takk yfir mig!

- Íris Ósk Egilsdóttir ljósmóðir

Námskeiðið uppfyllti allar mínar væntingar. Góð leiðsögn og kennsla í grundvallaratriðum dáleiðslu. Gefur einnig góðan skilning á tengslum skynjunar,ímyndunar og tilfinninga sem móta viðbrögð og venjur einstaklinga. Hver æfing og aðferð sem gerð var gagnaðist mér beint í mínu starfi og mun gera það áfram.

- Kári Jónsson íþróttafulltrúi Garðabæjar

Ákvörðunin um að fara á grunnnámskeiðið í meðferðardáleiðslu er ein af bestu ákvörðunum sem ég hef tekið á lífsleiðinni. Sjálfsdáleiðsluna sem ég lærði gat ég strax nýtt mér til að losna við streitu og lagfæra svefnin sem er hreint ómetanlegt. Námskeiðið er vel uppsett, mikill fróðleikur, skemmtilegar verklegar æfingar og því meira sem ég lærði því meira heillar dáleiðslan mig.

- Páll Árnason flugumsjónarmaður

Virkilega gefandi námskeið í heild sinni. Gefur góðan grunn í meðferðardáleiðslu ásamt því að veita viðeigandi upplýsingar og ráðleggingar um hvar er hægt að auka við þekkinguna á faginu. Var einnig mjög gefandi fyrir mig sem einstakling.

- Jón Áki Jensson læknir

Námskeiðið var frábært, ótrúlega skemmtilegt, krefjandi og gefandi. Þetta var mikil sjálfsvinna og það var eins og allt lífið yrði bara léttara á öllum sviðum þegar leið á námskeiðið.